Ҳодисалар    7:00 / 12.11.2022     864
Жиззахда кучли шамол кутилмоқда
“Ўзгидромет” шошилинч ахборот эълон қилди.

“Ўзгидромет” шошилинч ахборот эълон қилди. Унга кўра, жорий йилнинг 13-15 ноябрь кунлари республика бўйича, хусусан, шимол ҳудудида, баъзи жойларда шамол тезлиги секундига 17-22 метргача, Қорақалпоғистон Республикаси, Навоий, Жиззах вилоятларининг айрим жойларида секундига 25-28 метргача кучайиши кутилмоқда.
14-16 ноябрь кунлари Тошкент, Қашқадарё, Наманган вилоятларининг тоғ олди ва тоғли ҳудудларида ёмғир ёғиб, қорга айланиб, айрим жойларда кучли ёғингарчиликлар кузатилади. Шу билан бирга, тоғ олди ва тоғли ҳудудларда сел-сув тошқин ҳодисалари юзага келиши мумкин.
