2022 йилнинг биринчи ярмида Жиззахда 2 та мактабгача таълим ташкилоти аттестациядан ўтолмади

Вазирлар Маҳкамаси қарорига асосан мактабгача таълим ташкилотлари фаолияти ички ва ташқи баҳолашдан ўтказиб келинмоқда.

Таълим инспекцияси матбуот котиби маълум қилишича, жорий йилнинг январь-май ойларида режага асосан жами 1071 та мактабгача таълим ташкилоти аттестация жараёнларига жалб қилиниб, туман аттестация комиссиялари томонидан ташқи баҳолашдан ўтказилди ва хулосалари Инспекция ҳузуридаги Аккредитация комиссиясига тақдим этилди.

Комиссия йиғилиш қарорига асосан 1004 та мактабгача таълим ташкилоти «аттестациядан ўтди» ва аккредитацияланди, 67 таси эса «аттестациядан ўтмади» деб эътироф этилди.

Хусусан, Қорақалпоғистон Республикасида 6 та, Андижон вилоятида 3 та, Бухоро вилоятида 5 та, Жиззах вилоятида 2 та, Наманган вилоятида 5 та, Самарқанд вилоятида 14 та, Сирдарёда вилоятида 5 та, Сурхондарё вилоятида 5 та, Тошкент вилоятида 8 та, Фарғона вилоятида 4 та, Хоразм вилоятида 1 та, Қашқадарё вилоятида 4 та, Тошкент шаҳрида 5 та мактабгача таълим ташкилотлари Аккредитация комиссияси томонидан «аттестациядан ўтмади» деб хулосаланди.