Жиззах вилояти умумтаълим мактабларида прeзидeнт мактаблари тажрибаси жорий этилади

Мактабгача ва мактаб таълими вазири Ҳилола Умарова Жиззах вилоятини республика бўйича намунали ҳудудга айлантириш режаларини баён қилди.

Бу ҳақда у Жиззах вилояти ҳокими Эргаш Солиев, туман ҳокимлари, вазирликнинг вилоят бошқарма ва туман бўлими бошлиқлари ҳамда уларнинг ўринбосарлари иштирокида ўтган учрашувда айтган.

Жумладан:

– Вилоятнинг ҳар бир туманида 1 тадан, жами 13 та туманда иккинчи тил ва касбга ўргатишни жорий этиш;

– мактабгача таълим ташкилотларига эҳтиёж мавжуд бўлган ҳудудларда хусусий секторни жалб қилган ҳолда боғчалар ташкил этиш;

– мактабларнинг моддий-техник базасини мустаҳкамлаш ва мактабдан ташқари таълимни сифатли ташкил этиш;

Қайд қилинишича, учрашувда Президент ва ихтисослаштирилган мактаблар тажрибасини умумтаълим мактабларига олиб кириш борасида таклиф ва ташаббуслар илгари сурилди.

Бунда Жиззах шаҳри, Шароф Рашидов, Ғаллаорол, Зарбдор, Пахтакор, Бахмал туманларининг 9 та мактабида ўқувчиларнинг қобилияти ва танлови асосида (10-синфда ихтисослашув асосида ўқитиш) таълим жараёнлари жорий этилиши айтилди.