Обуна бўлинг

Иқтисодиёт    7:00 / 2.01.2023     148

Республика ҳудудлари 5 та тоифага ажратилди. Жиззах вилоятидаги 1 та ҳудуд тадбиркорлари учун фойда солиғи 1 фоиз этиб белгиланди

Президент фармони билан республиканинг 208 та туман ва шаҳарлари 5 та тоифага ажратилди. Туман ва шаҳар тоифасидан келиб чиқиб, тадбиркорларга солиқ имтиёзлари, субсидиялар берилади.

“Республика ҳудудларини тоифаларга ажратиш ва тадбиркорликни қўллаб-қувватлашнинг табақалаштирилган тизимини жорий этиш чора-тадбирлари тўғрисида”ги [287-сонли] президент фармони қабул қилинди. Бу ҳақда Telegram’даги Huquqiy axborot канали хабар берди.

Фармонга кўра, 2023 йил 1 январдан:

  • республиканинг 208 та туман ва шаҳарлари 5 та тоифага ажратилди;
  • туман ва шаҳар тоифасидан келиб чиқиб, тадбиркорларга солиқ имтиёзлари, субсидиялар берилади.

Жиззах вилояти ҳудудлари ихтисослашуви ҳамда кичик бизнес учун мавжуд шароитдан келиб чиқиб қуйидаги тоифалаларга ажратилди:

  • Жиззах шаҳри — 1-тоифа;
  • Ғаллаорол тумани — 2-тоифа;
  • Дўстлик, Зарбдор, Зафаробод, Зомин, Мирзачўл, Пахтакор, Фориш, Шароф Рашидов туманлари — 3-тоифа;
  • Бахмал ва Янгиобод туманлари — 4-тоифа;
  • Арнасой тумани — 5-тоифа.

2023 йил 1 январдан 2026 йил 1 январгача солиқ солишнинг қуйидаги табақалаштирилган тартиби жорий этилади:

5-тоифадаги туманларда рўйхатдан ўтган ва шу ҳудудларда фаолият юритадиган тадбиркорлар:

  • фойда солиғи, айланмадан олинадиган солиқ ва ижтимоий солиқни 1 фоиз;
  • юридик шахсларнинг мол-мулкига солинадиган солиқ ва юридик шахслардан олинадиган ер солиғини мазкур солиқлар бўйича ҳисобланган сумманинг 1 фоизи миқдоридаги солиқ ставкалари бўйича тўлайди.

Йирик солиқ тўловчилар, доимий муассаса, бюджет ташкилоти ва давлат корхонаси, устав жамғармаси (капитали)да давлат улуши 50 фоиз ва ундан кўпроқ миқдорда бўлган юридик шахслар бундан мустасно.

Шунингдек, 5-тоифадаги туманларда рўйхатдан ўтган ва шу ҳудудларда фаолият юритадиган ЯТТлар жисмоний шахслардан олинадиган даромад солиғининг қатъий белгиланган суммаларини тўлашдан озод қилинади.

2023 йил 1 январдан:

  • 4 ва 5-тоифадаги туманларда рўйхатдан ўтган ва шу ҳудудларда фаолият юритадиган кичик тадбиркорлик субъектларига:
  • банкларнинг кредит ва лизинглари бўйича унинг асосий ставкадан ошган, бироқ Марказий банк асосий ставкасининг 40 фоизидан кўп бўлмаган қисмини қоплаш учун компенсация;
  • банклар кредитларининг 75 фоизигача, бироқ умумий қиймати 2,5 миллиард сўмдан ошмаган миқдорда кафиллик тақдим этилади.

Фармон билан шунингдек, қуйидагилар тасдиқланди:

  • аҳоли ва тадбиркорларга субсидия ажратишнинг оширилган миқдорлари;
  • тадбиркорлик фаолиятини туман ва шаҳарлар тоифаларидан келиб чиқиб қўллаб-қувватлаш чоралари.

Сўнгги

Иқтисодиёт рукни бўйича мақолалар

error: Узр: Контент ҳимояланган !!