Обуна бўлинг

Жамият    7:02 / 26.08.2022     228

Ғаллаоролда фуқарони шантаж қилган аёл ушланди

У фуқаронинг шахсий фотосуратларини интернетда тарқатиш билан қўрқитиб, жабрланувчидан пул талаб қилган.

Жиззах вилояти Ғаллаорол туманида фуқаро суратларини монтаж қилиб, тарқатиш билан қўрқитган аёл ушланди.

Маълум бўлишича, Ғаллаорол тумани Сарой қишлоғида доимий рўйхатда туриб, Зафаробод туманида вақтинча яшаб келган аёл интернетдан Шароф Рашидов тумани «Саройлик» маҳалласида яшовчи йигитнинг фотосуратларини кўчириб олган. Сўнг уларни монтаж қилиб, ижтимоий тармоқларда эълон қилишини айтиб қўрқитган ва йигитдан 5 миллион сўм талаб қилган.

Жиззах вилояти ИИБ ахборот хизматининг хабар беришича, ИИБ ходимлари томонидан ўтказилган тезкор тадбирда аёл йигитдан талаб қилган пулларини Жиззах шаҳрида олаётганда далилий ашёлар билан ушланган.

Ҳолат юзасидан жиноят иши қўзғатилиб, ҳозирда тергов-суриштирув ишлари олиб борилмоқда.

Сўнгги

Жамият рукни бўйича мақолалар

error: Узр: Контент ҳимояланган !!