Обуна бўлинг

Сиёсат    7:00 / 3.04.2023     381

Ўзбекистонда вазирлик ва давлат ташкилотларининг очиқлик индекси эълон қилинди. Жиззах нечанчи ўринда?

2022 йил учун Очиқлик нидексида Жиззах вилояти ҳокимлиги 70,3 балл тўплаган ҳолда 86 ташкилот орасида 17 ўринни эгаллади. Маҳаллий давлат ҳокимияти органлари орасида эса Жиззах вилояти 3 ўриндан жой олган (14 та ҳудуд).

Фото: Коррупцияга қарши курашиш агентлиги

Коррупцияга қарши курашиш агентлигида Очиқликни таъминлаш соҳасида амалга оширилаётган ишларнинг самарадорлиги ва натижадорлигини баҳолаш комиссиясининг йиғилиши бўлиб ўтди. Бу ҳақда агентлик матбуот хизмати хабар берди.

Унда 2022 йил якунларига кўра, давлат органлари ва ташкилотларида очиқлик бўйича амалга оширилган ишларнинг самарадорлиги ва натижадорлигини баҳолашга қаратилган Очиқлик индекси асосида тўпланган барча кўрсаткичлар атрофлича муҳокама қилиниб, якуний натижалар эълон қилинган.

Очиқлик индекси 84 та баҳолаш мезонидан таркиб топган 8 та индикатор асосида баҳоланган. Самарадорлик кўрсаткичлари 71 баллдан 100 баллгача тўплаганлар — “яшил”, 55 баллдан 71 баллгача бўлганлар — “сариқ” ва 55 баллдан паст кўрсаткич қайд этганлар — “қизил” тоифаларга киритилган.

Баҳолашда умумий 86 та вазирлик, идора ва муассасалар қамраб олинган бўлиб, улардан 21 таси вазирлик, 14 таси маҳаллий давлат ҳокимияти органлари, 32 таси давлат иштирокидаги ташкилотлар ҳамда 19 таси қўмита ва агентликлар.           

Очиқлик индексининг юқори поғоналарини президент ҳузуридаги Статистика агентлиги (88,8 балл), Иқтисодиёт ва молия вазирлиги ҳузуридаги Божхона қўмитаси (88,3), Тошкент вилояти ҳокимлиги (83,3) эгаллаган.

Охирги ўринларни эса “Йўлқурилиш” АЖ (21 балл), Ўзбекистон Миллий телерадиокомпанияси (21 балл), “Қишлоққурилишинвест” (21,7 балл) банд этган.

2022 йил учун Очиқлик нидексида Жиззах вилояти ҳокимлиги 70,3 балл тўплаган ҳолда 86 ташкилот орасида 17 ўринни эгаллади.

Маҳаллий давлат ҳокимияти органлари орасида эса Жиззах вилояти 3 ўриндан жой олган (14 та ҳудуд).

2022 йил учун Очиқлик индексининг якуний натижалари билан “Index.anticorruption.uz” платформаси орқали батафсил танишиш мумкин.

Сўнгги

Сиёсат рукни бўйича мақолалар

error: Узр: Контент ҳимояланган !!