“Қитъалар жанги”да Америка тор-мор этилди. Жиззахлик Бобо-Усмондан ғалаба!

Москва шаҳрида бокс бўйича “Қитъалар жанги” турнири давом этмоқда.

Ушбу мусобақада Осиё терма жамоаси сафида ўзбекистонлик, жумладан, жиззахлик боксчи Бобо-Усмон Батуров  ҳам иштирок этаётганликлари ҳақида хабар қилган эдик. 

Боксчиларимиз ҳаракат қилаётган Осиё терма жамоаси навбатдаги жангни Америка термасига қарши ўтказишди. 

Тўқнашувда Осиё вакиллари рақибларига хеч қандай имконият қолдиришмади – 5:0!

Жиззах фарзанди Бобо-Усмон Батуров 68 кг. вазн тоифасида Куба вакили Йоелис Лейл Молинага қарши рингга кўтарилиб, рақибини таслим этди ва “Қитъалараро кубок”даги 2 ғалабасини тантана қилди.

Эслатиб ўтамиз, Бобо-Усмон биринчи босқичда Намибия давлати (Африка терма жамоаси) боксчиси Бенхард Бернардни мағлубиятга учратган бўлса, иккинчи жангида Россия терма жамоаси вакили Харитон Агрбага имкониятни бой берган эди.